SOSTIBILIDADE: ÚNICLA CERO EMISIÓNS
O primeiro leite con CERO impacto ambiental
En Únicla traballamos cada ano por reducir o noso impacto ambiental e conseguimos ser o primeiro leite que certifica o seu impacto ambiental cero en canto a emisións de CO2, compensando totalmente estas emisións, tanto para o seu envase como para a produción do seu leite enteiro 1 litro.
Todo isto o conseguimos restaurando bosques queimados no noso país, concretamente en Galicia, a nosa orixe, a través do acordo asinado coa Fundación Arume para compensar as emisións da produción de leite. E grazas aos nosos envases Elopak, que están certificados en Carbon Neutral, compensando así todo o CO2 da súa fabricación.
Ademais, cada ano reducimos as emisións de CO2 á atmosfera nun 20 % fronte a leites convencionais, e os nosos envases e tapóns están feitos con residuos forestais renovables, con resina de piñeiro, cun 86 % de orixe vexetal.
BENESTAR ANIMAL
Só unhas vacas felices e ben alimentadas poden producir o leite máis saboroso do mundo.
As gandarías Únicla son as primeiras de Galicia certificadas por AENOR Conform en Benestar Animal, baseado no referencial europeo Welfare Quality®, que ten como obxectivo harmonizar a preocupación social e as demandas de mercados para desenvolver sistemas fiables de seguimento en granxas, de información sobre produtos e de mellora en benestar animal.
Leite Únicla procede de vacas que viven en contornas tranquilas e saudables, onde se lles garante unha alimentación e un aloxamento óptimo, ademais duns controis sanitarios de calidade.
ORIXE GALEGA
Todas as variedades de Leite Únicla están certificadas cos selos Galega 100% e Galicia Calidade.
Eses selos caracterizan os produtos lácteos galegos de calidade superior e garanten a trazabilidade do leite dende as granxas até a mesa.
ALIMENTACIÓN
Saudable para as nosas vacas, saudable para ti.
O noso proceso inclúe unha alimentación natural, complementada con sementes de liño, que consegue os beneficios dos pastos de primavera e outono durante todo o ano e fai que as nosas vacas produzan, de forma totalmente natural, un leite de altísima calidade con menos contido de graxas saturadas e que, ademais, achega a presenza de Omega 3, CLA e un 12% máis de ácidos graxos poliinsaturados, e é fonte natural de Calcio, Vitamina D e antioxidantes coma o Selenio.
Pero non só iso: o seu sabor superior tamén foi recoñecido internacionalmente polo International Taste Award.
COOPERATIVA
Só envasamos leite 100% galego.
Todo comeza nas nosas gandarías, pertencentes á cooperativa de gandeiros CLUN e situadas a menos de 50 km da fábrica, a través dun proceso completamente natural e responsable.
Únicla é sinónimo de innovación e respecto polo medio ambiente; resultado dun proxecto de investigación que ten como obxectivo mellorar de forma natural o perfil nutricional do leite e obter o leite de mellor sabor; este proxecto foi merecedor do Premio Europeo á Innovación Cooperativa.
COMPROMISOS
Comprometidos coas persoas, a natureza, a innovación e o futuro.
Os nosos máis de 3.500 socios gandeiros son unha peza clave da nosa cooperativa, pero tamén o é o feito de promover un desenvolvemento sostible dende o punto de vista económico, social e ambiental, apostar pola innovación cunha vocación de mellora continuada e guiarnos por un modelo de xestión ético que tamén cumpra as expectativas en canto á calidade e á satisfacción do cliente.
En definitiva, un modelo de innovación integral que impulse melloras no funcionamento de calquera área da cooperativa, sempre co obxectivo de seguir modernizando o sector agroalimentario e apoiando o desenvolvemento sostible do mundo rural.
